«Мин һәм башкалар»
Сәламәт яшәү рәвешен формалаштыру эше кысаларында Түбән Каманың «Веста» гаиләгә һәм балаларга социаль ярдәм үзәге белгече Ирина Кожевникова 23 ноябрьдә шәһәрнең социаль участокларының берсендә «Ариадна җепләре» программасыннан «Мин һәм башкалар» дигән дәрес үткәрде. 12 бала катнашкан чараның максаты-дус, бердәм, сәламәт коллектив булдыру, коллективта үз-үзеңне билгеләүгә ярдәм итү.
Дәрес балалар белән бергә дуслык - ул ике яки аннан да күбрәк кешенең үзара бәйләнеше, мәхәббәт һәм хөрмәткә нигезләнгән булуын искә төшерүдән башланды. «Аланда чәчәкләр» күнегүендә катнашучылар үз-үзләрен бәяләделәр. Аннары дәрескә әкият терапиясе элементы кертелде, ул мускул релаксациясе белән тәмамланды. Тәннең махсус киеренкелеген һәм алга таба йомшаруын тою балалар өчен бик гадәти булмаган хәл иде. Белгеч балаларга мондый күнегүләрнең көч һәм энергияне яңадан торгызуга ярдәм итүен аңлатты. Һәм моның релаксация (мондый күнегүләр нәкъ менә шулай атала) икәнлеге нәкъ менә нинди-дә булса киеренкелектән соң яхшы сизелә. Шуннан соң катнашучыларга игътибарлылыкны билгеләү өчен берничә күнегү тәкъдим ителде.
Әкият шуның белән тәмамланды: Нур Шырпылыга ышанырга, үзен ачарга тәкъдим итте һәм ул чакта барысы да яхшы булачак. Дәрес ахырында балалар да шундый нәтиҗәгә килделәр. Барлык катнашучылар да очрашуга йомгак ясадылар-бер үзеңә генә яшәргә ярамый, башкалар белән аралаша белергә кирәк, югыйсә, син дә шырпылыга әйләнәсең!