«Минем туган көнем»
26 нчы октябрь көнне Түбән Каманың «Веста» гаиләгә һәм балаларга социаль ярдәм күрсәтү үзәгенең социаль эш буенча белгече Ләйсән Суниева Түбән Кама медицина көллияте волонтерлары белән берлектә сәламәтлекләре чикләнгән балалар өчен «Минем туган көнем» дигән акция уздырдылар. Социаль-анимацион тамаша гаиләнең өендә үткәрелде.
Һәр бала өчен туган көн-ул дулкынлану, күңелле сюрпризлар һәм бүләкләр турында хыяллар белән көтә торган төп бәйрәм. Түбән Кама медицина көллияте волонтерлары инде күп тапкырлар сәламәтлекләре буенча чикләүле балаларны сөендерүләрен дәвам итәләр. Бу юлы кунакка «Белгеч», «Умка» һәм «Бяка» клоуннары килде. Тамаша барышында «Бяка» клоунының бүләкне яшереп калуы һәм балалар биремнәрен үтәмичә, аны бирәсе килмәве ачыкланды. Клоуннар табышмакларга җавап бирделәр, балалар һәм аларның әти-әниләре белән уеннар үткәрделәр, җырлар җырладылар, җылы теләкләр әйттеләр һәм ахырда бүләк тапшырдылар.
Күңелле тамаша ярдәмендә өлкәннәр һәм балалар бәйрәм һәм күңел ачу дөньясына чумдылар, бик күп уңай эмоцияләр алдылар. Ата-аналар игътибар һәм бәйрәм кәефе өчен волонтерларга рәхмәт белдерделәр, бәйрәмнән канәгать калдылар.