«Үз-үзеңә карата уңай мөнәсәбәт формалаштыру»
Балигъ булмаганнар арасында рәхимсез мөгамәләне кисәтү буенча эш кысаларында 21 нче октябрь көнне Түбән Каманың «Веста» гаиләгә һәм балаларга социаль ярдәм үзәге психологы Наталья Емельянова «Гаиләдә һәм мәктәптә көч куллану» курсыннан «Үз-үзеңә карата уңай мөнәсәбәт формалаштыру» дигән дәрес үткәрде. 12 нче социаль участокта узган чара дөрес үз-үзеңне бәяләүне формалаштыруга юнәлдерелгән иде.
Катнашучыларны актив эшчәнлеккә кертү өчен психолог дәрес башында “Кояш балкый” дигән уен-активатор үткәрде. Һәр яшүсмер үз исемен һәм үзе ясаган иң бөек адымны атарга тиеш булды. Шуннан соң барлык катнашучылар да уңай сыйфатлар аңында активлашуга һәм үз-үзеңне түбәнәйтелгән бәяләүне бетерүгә юнәлдерелгән күнегүләр башкардылар: «Маша, мин сине яратам...», «Алкышлар», «Тискәре фикерләр исемлеге/уңай үзгәрешләр исемлеге», «Аркадагы комплиментлар».
Катнашучылар фикеренчә, «Тискәре раслаулар исемлеге/Уңай раслаулар исемлеге» күнегүләрен башкаруы иң авыры булды, чөнки барлык тискәре раслауларга да уңай контрагументлар табып булмады. Ә иң күп уңай эмоцияләрне катнашучыларга «Аркадагы комплиментлар» күнегүе китерде, чөнки һәркем тирә-юньдәгеләргә яхшы сүзләр белән мөрәҗәгать итү мөмкинлегенә ия булды.
Яшүсмерләр алга таба да уңай үз-үзләрен «югалтмасын» өчен, дәрес ахырында алар «Үз-үзеңне кайгырту» дигән белешмәлек алдылар.