«Минем тирәмдәге дөнья»
Терроризм һәм экстремизмны профилактикалау эше кысаларында Түбән Каманың «Веста» гаиләгә һәм балаларга социаль ярдәм үзәге белгече Анжела Хайрова 18 ноябрь көнне «Минем тирәмдәге дөнья» дип исемләнгән төркемле дәрес үткәрде. Чара дөньяда булган мәдәниятләренең күптөрлелеген хөрмәт итү һәм кабул итү, үз-үзеңне күрсәтү формаларын һәм кеше шәхесен күрсәтү ысулларын үстерү, үз фикереңне дөрес аңлау һәм аны яклау максатыннан үткәрелде.
Дәрес башында белгеч «Минем кайсы этник якка туры киләм» дигән кызыклы күнегү үткәрде. Балалар бер-берсенә теге яки бу милләткә, дингә туры килешләрен, бер-берсенә карата булган мөнәсәбәтләре турында сөйләделәр, бер-берсен игътибар белән тыңладылар, сораулар бирделәр. Аннан соң балалар «Төрле төстәге дөнья», «Идеяләр аукционы» һәм «Очрашу» социаль-уенын уйнадылар. Уеннар барышында балалар үз фикерләрен якларга һәм бер-берсен яхшырак аңларга өйрәнделәр.
Дәрес кызыклы килеп чыкты, һәр баланың үз белемнәрен тулыландыру һәм үзләрен күрсәтү мөмкинлеге булды. Соңыннан белгеч катнашучыларга гади киңәш бирде: "Нинди милләт, дин, тире төсләре буенча кешене тикшерергә ярамый. Бөтен кеше белән тату яши белергә кирәк, башкаларга ярдәм итә белү мөһим. Без барыбыз да бер-беребез белән тигез һәм безнең хокукларыбыз да тигез".