Югары Утар акылга зәгыйфь балалар йортында “Авазларсыз дөнья” дип исемләнгән карточкалар ярдәмендә сөйләшү сәгате

29 сентябрь көнне тәрбияче Хәбибуллина Г.Р. Югары Утар акылга зәгыйфь балалар йортында “Авазларсыз дөнья” дип исемләнгән карточкалар ярдәмендә сөйләшү сәгате үткәрде. Шөгыльдә 10 бала катнашты. БӘХЕТ - УЛ СИНЕ АҢЛАУЛАРЫ! Сез кайчан да булса аралашуның нәрсә икәнлеге турында уйланганыгыз бармы? Безнең тормышта ул нинди роль уйный? Ул сезнең өчен һәм бала өчен ни дәрәҗәдә мөһим? Шулай булгач, аралашу нәрсә ул? Иң беренче күз алдына шундый күренеш килә: ике кеше утыра һәм сөйләшә. Әмма аралашу-әңгәмә генә түгел, ә мәгълүмат алмашу да. Ул - үз фикереңне, теләкләреңне башка кешегә җиткерү, үтенеч белдерү мөмкинлеге. Безнең күзаллау буенча аралашу сүзләр ярдәмендә булырга тиеш. Ә сүзләр ярдәмендә үз хисләреңне һәм теләкләреңне белдерү мөмкин түгел икән, нишләргә? Әгәр бала сөйләшми икән, аңа ничек ярдәм итәргә кирәклеген белергә кирәк. Үзенчәлекле балаларның төп мәсьәләсе булып, аларның үз фикерләрен башкаларга җиткерә алмаулары. Без тәрбиячеләр, балаларның нәрсә әйтергә теләүләрен аңласак та, чит кеше аларның теләкләрен анламый, шуңа күрә дә бала үпкә белдереп үзенең характерын күрсәтә башлый. Мондый балаларга махсус дидактик уеннар, карточкалар кирәк, алар ярдәмендә бала башка кешеләр белән аралаша алачак. Безнең төп бурыч – баланы аралаша торган кешесенә узенең теләгән белдерә торган карточканы бирергә өйрәтү. Йомгаклап шуны да билгеләп үтәргә кирәк, менталь тайпылышлары булган балаларны укыту өчен универсаль чаралар юк. Һәрбер бала өчен карточкалар индивидуаль һәм аның психофизик үзенчәлекләрен исәпкә алып сайланырга тиеш.