«Мәхәббәт белән бәйлелек урталай»
29 нчы сентябрь көнне Түбән Каманың «Веста» гаиләгә һәм балаларга социаль ярдәм үзәге психологы Наталья Емельянова «Рәхим итегез! Бәхетле гаилә» курсыннан «Мәхәббәт белән бәйлелек урталай» дип аталган дәрес үткәрде. Очрашуда социаль хезмәт күрсәтүдә торучы 6 хатын-кыз катнашты. Дәрес бәйле мөнәсәбәтләрне, начар гадәтләрне профилактикалауга һәм сәламәт яшәү рәвешен формалаштыруга юнәлдерелгән иде.
Башта психолог бәйлелек проблемасын яктыртты. Ул “Батып баручы утрау” күнегүе мисалында ни өчен әлеге төр мөнәсәбәтләр алкоголизмга, наркомания яки гаилә әгъзалары арасында башка төр бәйлелеккә китерә икәнен сөйләде һәм күрсәтте. «Бәйлелек» тесты (Б.һәм Дж Уайнхолд редакциясендә) әлеге күренешнең җыелучылар арасында гаиләдә нинди дәрәҗәдә булуын (түбән, урта яки югары) белергә ярдәм итте. Тикшеренү нәтиҗәсендә, катнашучыларның билгеле бер тәртипләре булуы ачыкланды, ул якын кешеләр белән аралашуны тоткарлый. Шуңа күрә психолог барысына да «Нык бәйләнгән», «Әйлән-бәйлән» күнегүләрендә катнашырга һәм «пәрәвез» психологик уенын уйнарга тәкъдим итте.
Дәрес ахырында күп кенә катнашучылар "Нык бәйләнгән" күнегүенең иң авыры булуын әйтеп үттеләр, чөнки үз фикерләрен һәм тойгыларын якын кешенең фикерләреннән һәм хисләреннән аеру бик кыен. «Пәрәвез» психологик уены бик кызыклы булды. Бәйле кешеләрнең гомере тирә-юньдәгеләрне билгеле бер, еллар буе эшләнгән стереотиплар буенча яшәргә мәҗбүр итә дип беркем дә фаразлый алмый. Ә якын кешеләр белән аралашу сыйфатлы яңа дәрәҗәгә күчсен өчен психолог катнашучыларга «Матрицадан чыгу» дигән белешмәлекләрне таратты.