«Аңлау юлында»
23 нче сентябрь көнне Түбән Каманың «Веста» гаиләгә һәм балаларга социаль ярдәм үзәге белгече Әлфирә Юнысова балигъ булмаган тугыз бала өчен «Әйләнә-тирә кешеләр белән нәтиҗәле хезмәттәшлек» программасыннан «Аңлау юлында» дигән дәрес үткәрде. Дәреснең максаты: балаларда әйләнә-тирә кешеләргә карата ихтирамлы мөнәсәбәт, әйләнә-тирәдәгеләр белән аралашуга омтылыш формалаштыру.
Дәрес башында балалар «Киемдәге өч үзгәреш» күнегүен башкардылар. Әлеге күнегүләр күрү хәтерен үстерүгә юнәлдерелгән иде. Сөйләшкән вакытта әңгәмәдәшче белән дә күзәтүчәнлек һәм ачыклык тудырыр өчен уңай мөнәсәбәтләр булдыру кирәк. «Син миңа ошыйсың, чөнки...» күнегүендә балалар, кеше характерының уңай якларын кулланып, бер-берләреннән булган тәэсирләре белән уртаклаштылар. Ә “Син нәрсә дидең?” уены балаларның үз тормышы турында төгәл, кызыклы итеп сөйләү сәләтен формалаштыруга юнәлдерелгән иде, чөнки үз-үзеңне кешегә күрсәтү балаларның киләчәк тормышында бик кирәк булачак.
Дәрес ахырында балалар алган белемнәреннән яңа хис-кичерешләре белән уртаклаштылар һәм башка кешеләргә толерант мөнәсәбәт һәм аралашу кагыйдәләрен үтәячәкләренә ышандырдылар.