«Сәламәтлек һәм яшьләр үсеше»
Наркомания, ВИЧ/СПИД, сәламәт яшәү рәвешен формалаштыру буенча эш кысаларында 22 сентябрьдә Кама Аланы район хастаханәсенең шәфкать туташы Татьяна Плаксина «Сәламәтлек һәм яшьләр үсеше» курсында 15 яшүсмер белән очрашты. Әңгәмәнең максаты: хәвеф-хәтәр зоналарында булган хәлләрне бәяләргә һәм саклык чараларын үтәргә өйрәтү.
Татьяна Ивановна балаларга организмны иммун яклау факторлары, ВИЧ-инфекциясенең таралуы, ВИЧ диагностикасы һәм дәвалау принциплары турында сөйләде. Балалар ВИЧ-инфекция йоктыруның ни рәвешле булырга мөмкин булуы, әлеге хәл килеп чыкмасын өчен үзеңне ничек тотарга кирәклеге турында сөйләделәр.
Әңгәмәгә йомгак ясап, балалар әлеге очрашуда нинди яңалыклар белүләрен әйттеләр. Балаларның җаваплары төрле иде, һәрберсендә кешедә иммунитет һәм ВИЧ-йогышы турында мәгълүмат булырга тиешлеге турында сүзләр яңгырады. Бу хәл килеп чыкса, үз-үзеңне дәвалау белән шөгыльләнмәскә, ә квалификацияле табибка мөрәҗәгать итәргә кирәк, дигән фикер яңгырады.