«Алкоголь һәм җинаять»
«Гомуми эш» бөтенроссия проекты кысаларында 10 нчы сентябрьдә 10 нчы социаль участокта Түбән Каманың «Веста» гаиләгә һәм балаларга социаль ярдәм үзәге социаль эш буенча белгече Марина Вахрушева «Алкоголь һәм җинаять» дигән темага дәрес үткәрде. Максаты: сәламәт яшәү рәвеше күнекмәләрен формалаштыру һәм үз сәламәтлегеңә карата җаваплы караш формалаштыру, алкогольнең кеше өчен зыянын күрсәтү. Дәрестә 30 балигъ булмаган бала катнашты.
Дәрес башында белгеч балалар белән бергә кешенең «зарарлы» һәм «файдалы» гадәтләренә аердылар. Соңыннан белгеч яшь буынның үз сәламәтлекләренә мөнәсәбәте, алкоголь куллану яшь организмны ничек үтерә, сәламәт яшәү рәвешен зарарлы гадәтләргә алыштырырга карар иткән кешенең тормышы ни дәрәҗәдә кыскара икәне турында сөйләде. Белгеч балаларның игътибарын алкоголь йогынтысында төрле хокукка каршы гамәлләр кылуына да юнәлтте, чөнки кеше үз халәтен контрольдә тота алмый. Аннан соң балалар сәламәт яшәү рәвеше өлешләрен санап чыктылар, алар сәламәтлекне сакларга гына түгел, ә һәр кешегә үз тормышын тагын да кызыклырак, тулы һәм уңышлы итәргә мөмкинлек бирәчәк. Алган белемнәрен «Куркыныч су астына төшү» мультипликацион фильмын карау белән ныгыттылар, анда алкоголь йогынтысында нинди органнар җимерелүгә һәм үзгәрүгә дучар ителүе күрсәтелде.
Дәрес ахырында белгеч барысын да сәламәт яшәү рәвеше алып барырга, иҗат, физкультура һәм спорт белән шөгыльләнергә чакырды.