«Сугышның ачы хәтере»
Россия хәрби тарихының истәлекле даталары кысаларында 2 нче сентябрь көнне 12 нче социаль участокта Түбән Каманың «Веста» гаиләгә һәм балаларга социаль ярдәм үзәге белгече Диләрә Борисова 8 балигъ булмаган бала арасында «Сугышның ачы хәтере» дигән темага төркемле дәрес үткәрде. Максаты: балаларның Советлар Союзының Икенче бөтендөнья сугышында җиңүе турында булган белемнәрен ныгыту.
Дәрес әңгәмә рәвешендә узды, ул танып-белү рәвешендә булды һәм балаларда Ватаныбызның хәрби тарихына карата кызыксыну уятты. Балалар икенче бөтендөнья сугышының 1939 елның 1 сентябрендә башлануын һәм 1945 елның 2 сентябрендә тәмамлануын белделәр, анда 74 дәүләтнең 62се катнашуы, Европа, Азия һәм хәтта Африка территориясендә сугышчан хәрәкәтләр алып барылуы, бу-атом-төш коралы кулланылган бердәнбер конфликт икәнлеген белделәр. Балалар бигрәк тә бу сугышта 70 миллионнан артык кешенең һәлак булуына шаккатты, аларның күбесе – тыныч халык. Шулай ук белгеч балаларның игътибарын Советлар Союзы ярдәмендә генә бу сугышның тәмамлануына, илебезнең аны тәмамлауга бик зур өлеш кертүенә һәм бу хакта белергә һәм истә тотарга кирәклегенә юнәлтте.
Дәрес ахырында катнашучылар Икенче бөтендөнья сугышында һәлак булган барлык геройларны бер минут тынлык белән искә алдылар.