Югары Утар акылга зәгыйфь булган балалар йорты-интернатында физкультурачылар көненә багышланган «Күңелле стартлар» уены

2021 нче елның 13 нче августында Югары Утар акылга зәгыйфь балалар интернат-йортында тәрбияче Исмәгыйлова Э.Х. җитәкчелегендә физкультурачылар көненә багышланган «Күңелле стартлар» уены оештырылды. Чарада барлыгы 16 бала катнашты. Ярышлар “Без бер зур гаилә” дигән девиз астында үтте. «Күңелле стартлар» программасы шактый бай эчтәлекле булды. Командаларга йөгерү, сикерүләр, туплар, кеглялар һәм корычлар белән мавыктыргыч конкурслар тәкъдим ителде. Бәйрәмдә балалар төрле конкурсларда актив катнаштылар. Алар тизлектә, җитезлектә, командада эшли белүдә көч сынаштылар. Барысы да финишка беренче булып килергә тырыштылар. Уен бик күңелле үтте. Балалар бер-берсе өчен җан аттылар, капитан өчен борчылдылар, бер-берсенә дистанцияне ничек тизрәк һәм яхшырак үтәргә киңәшләр бирделәр. Алар бик теләп йөгерделәр, сикерделәр. Балаларның кәефе яхшы иде,ә яхшы кәеф-сәламәтлек нигезе. «Күңелле стартлар» ның барлык этаплары да киеренке көрәштә узды. Бәйрәм бик кызыклы һәм мавыктыргыч булды, бик күп уңай эмоцияләр һәм тәэсирләр калдырды.