Музей
Туган телләр һәм халык бердәмлеге елы кысаларында Түбән Каманың «Веста» гаиләгә һәм балаларга социаль ярдәм үзәге социаль эш буенча белгече Эльза Сәмигуллина социаль хезмәт күрсәтүче балалар белән шәһәр музеена экскурсия оештырды. Максаты: балаларда гражданлык-патриотик хисләр тәрбияләү, күзаллауларын киңәйтү һәм танып-белү мәнфәгатьләрен тәрбияләү.
Музейда балаларны белгеч-экскурсовод каршы алды һәм музейның барлык заллары буйлап танып-белү экскурсиясе үткәрде. Балалар шәһәрнең барлыкка килү һәм үсеш тарихы, беренче юл үтүчеләр, Түбән Кама сәнәгать предприятиеләре һәм инфраструктурасы, район территориясендә яшәүче милләтләр турында белделәр. “Корабельный агачлыгындагы кошлар” коллекциясен карадылар, анда 135 искиткеч башкарылган чучело тәкъдим ителгән иде. Ә музейның табигый-фәнни бүлегендә Түбән Кама районы территориясендә табылган тарихи җәнлекләрнең җәсәдләре белән таныштылар.
Балалар экскурсовод сөйләвен бик теләп тыңладылар, сораулар бирделәр, үзләре өчен нинди дә булса яңалык ачтылар һәм музейга тагын бер кат килергә теләк белдерделәр.