Түбән Каманың "Веста" үзәгендә балигъ булмаганнар конфликтлы ситуацияләрне чишү юллары турында белделәр

2021 елның 14 июле, чәршәмбе

«Хокукый белемнәр нигезе» курсы кысаларында Түбән Каманың «Веста» гаиләгә һәм балаларга социаль ярдәм үзәге белгече Гөлназ Веселовская «Сәламәтлеккә зыян китергән өчен хокукый җаваплылык» дигән темага дәрес үткәрде.

Бу дәрестә балалар "конфликт" төшенчәсе белән таныштылар һәм «конфликт нәтиҗәсе өчен җаваплылык» дискуссиясендә катнаштылар, алга таба катнашучылар аларның тормышларында соңгы көннәрдә булган хәлләр, конфликтлы ситуацияләр һ. б. турында фикер алыштылар.

Дәрес урамда дәвам итте, анда балалар белән «Автобус», «Конфликт»  кебек рольле уеннар уйнадылар.

Дәрескә йомгак ясап, белгеч балаларга теләсә нинди аңлашылмаучанлыкны конфликтсыз хәл итү яхшырак булуын тагын бер кат искә төшерде.