"Веста"үзәгендә Гаилә, мәхәббәт һәм тугрылык көненә багышланган «Ата-аналар һәм балалар-моннан да ныклы дуслык - дөньяда юк!” дип аталган бщйрщм чарасы узды
Түбән Каманың «Веста» гаиләгә һәм балаларга социаль ярдәм үзәге социаль педагогы Олеся Минһаҗетдинова 2021 нче елның 8 нче июлендә «Ата - аналар һәм балалар-моннан да ныклы дуслык - дөньяда юк!” дип аталган, Гаилә, мәхәббәт һәм тугрылык көненә багышланган чара үткәрде.
Максат: гаиләгә карата хөрмәт тәрбияләү, аралашуда игелеклелек, позитив кичерешләр ярдәмендә балаларның эмоциональ өлкәсен үстерү һәм баету.
8 июльдә Россиядә бернигә дә охшамаган, бик күңелле һәм тирән бәйрәм - Гаилә, мәхәббәт һәм тугрылык көне билгеләп үтелде. Гаилә кеше тормышында бик зур урын алып тора. Әгәр кеше аның турында берни дә белми икән, ул җирдәге иң мөһим әйберләр - җылылык һәм игътибардан мәхрүм. Педагог балаларны әлеге бәйрәмнең барлыкка килү тарихы белән таныштырды һәм әкияти формада князь Петр һәм Феврония исемле кызның мәхәббәте турында сөйләде, ромашка чәчәге әлеге якты бәйрәмнең символы булуы турында сөйләде. Балалар “Бәхет өчен ромашка” дип аталган мастер – класста катнаштылар-үз куллары белән ромашка рәвешендә браслет ясадылар, ул аларның иң яраткан һәм кадерле кешеләр өчен кадерле бүләк булачак. Шуннан соң балалар «Лимбо», «Щипачи», «Гусеница» кебек күңел ачу уеннарында һәм конкурсларда катнаштылар. Чара ахырында бу бәйрәм балаларның йөрәгендә генә түгел, хәтерләрендә дә калсын өчен гомуми фото ясалды.