"Веста" үзәгендә иң кечкенә балаларга "Уйнарга, уйнарга һәм тагын бер кат уйнарга!" дип аталган төркемле дәрес үзды
"Веста" гаиләгә һәм балаларга социаль ярдәм күрсәтү үзәгенең социаль эш буенча белгече Эльза Сәмигуллина социаль хезмәт күрсәтелүче ата-аналар һәм балалар арасында «Әни+бәби» клубында "Уйнарга, уйнарга, уйнарга!” дип аталган дәрес үткәрде.
Максат: баланың уен эшчәнлеге аша үсешенә ярдәм итү, яңа материалны үзләштерү, танып белү активлыгын үстерү.
Дәрес ата-аналар белән бала үсешендә уен эшчәнлегенең әһәмияте турында әңгәмә белән башланып китте. Уен эшчәнлеге аша сабыйның хис-тойгыларын баетып кына калмыйча, фикерләү процессларын да күнектерергә, хәтерне, истә калуны, танып-белүне, зирәклекне, вак моториканы ныгытырга да мөмкин. Әйтик, пирамиданы җыеп, балалар төсләрне ныгыттылар, музыкаль минуттан соң хәрәкәт активлыгын арттырдылар.
Ата-аналар тагын бер кат инандылар: уен эшчәнлеге аша материалны үзләштерү балалар өчен сизелмичә, практик рәвештә, кызыклы формада бара һәм зур тырышлык таләп итми. Бу кызык, бәйләнчек түгел һәм бик файдалы.