"Веста" үзәге балалары юл йөрү кагыйдәләре буенча белемнәрен тикшерделщр
7 июльдә юл хәрәкәте иминлеген арттыру, юл-транспорт һәлакәтләрен һәм аларның авыр нәтиҗәләрен киметү эше кысаларында Түбән Каманың «Веста» гаиләгә һәм балаларга социаль ярдәм үзәге социаль эш буенча белгече Миләүшә Авзалова социаль хезмәт күрсәтүдә торучы гаиләләрдәге 8 балигъ булмаган бала арасында «Юл хәрәкәте кагыйдәләрен тапкырлау таблицасы кебек белегез!» дип аталган төркемле дәрес үткәрде.
Очрашу башында белгеч һәр катнашучыга транспорт мохитендә тормыш куркынычсызлыгын өйрәтү буенча «Юл билгеләре комплекты» методик кулланмасыннан юл билгесе язылган 5 әр карточка таратты. Балалар бу билгенең кайда очраганын һәм кайда икәнлеген искә төшерергә тиеш булдылар. Җавап бирергә кыенсынган балалар карточканың кире ягында бу юл билгесе турында укый һәм истә төшерә алдылар.
Аннары катнашучылар белән юлларда очрашырга мөмкин булган юл ситуацияләрен карадылар, белгеч бу ситуациядә үз-үзеңне дөрес тотарга кирәклеген аңлатты, шуннан соң юл билгеләре ясалган пазллар җыйдылар.
«Акыллы шнурок» уен-тренажеры балаларда зур кызыксыну уятты.
Дәрес ахырында белгеч тагын бер кат катнашучыларга юл хәрәкәте кагыйдәләрен үтәүнең үз иминлегең өчен мөһимлеге турында искә төшерде.