Югары Утар акылга зәгыйфь булган балалар йорты-интернатында традицион булмаган алымнарны кулланып рәсем шөгыле үткәрелде.

28 июнь көнне тәрбияче Хәбибуллина Г.Р. 4 бала белән берлектә традицион булмаган алымнарны кулланып рәсем шөгыле үткәрде. Максат: традицион булмаган рәсем ясау техникасы белән бүләк ясау (тары ярмасы ярдәмендә). Бурычлар: 1. Аппликация ясау өчен стандарт булмаган материал – тары ярмасын куллана белү. 2. Кул чукларын формалаштыруны дәвам итү. 3. Иҗади кызыксынуны үстеру, пумала һәм җелем белән эшләргә өйрәнүне дәвам итү. 4. Башлаган эшне ахырына кадәр җиткеререгә өйрәтү. Ярмадан ясалган картиналар бик күп һәм алар популяр. Аларга гадәти булмаган төс биреп, теләсә нинди шартларга интерьерга туры килерлек итеп төрледән төрле картилар ясарга була. Бу иң беренчедән узенне ирекле рәссам итеп сынар өчен менә дигән шөгыль. Мондый картиналар, паннолар булдыру кешегә уңай тәэсир итә, нервларын тынычландыра һәм гүзәллек хисен үстерергә ярдәм итә. Иң беренче картина ясый башлау өчен материаллар әзерлибез: ярманы чүпләреннән аерып бер савытка салып узебезгә кирәкле төсләргә буейбыз, яхшылап болгатабыз һәм ярманы кәгазьгә салып киптерәбез. Башта әзерләнгән шаблоннар ярдәмендә картинадагы бер фрагментны җелем белән дөрес итеп майлап баларга шул өлешкә ярма сибәргә кирәклеген аңлатырга. Гадәттә, балалар моны бик яраталар. Бармаклар белән рәсемне пөхтә итеп сылап, кибеп киткәч артык ярмаларны коеп тошерәләр. Шулай итеп һәрбер өлешне сылап бетереп матур картина килеп чыкканчы тырышып эшләргә туры килә. Картиналар өстендә эшләү төгәллек, игътибарны таләп итә һәм кул чукларын үстерергә ярдәм итә. Ә булачак картинаны уйлап табу буенча иҗади эш сәнгать зәвыгын үстерергә ярдәм итә, шуңа күрә тәрбияләнүчелә-рем бик теләп шөгыльләнәләр, чөнки мондый картиналар ясау тынычланырга, депрессия белән көрәшкә ярдәм итә һәм нервларны тынычландыра.