«Кызыклы фәннәр академиясе»
РФ Фән һәм технологияләр елы кысаларында Түбән Каманың «Веста» гаиләгә һәм балаларга социаль ярдәм үзәге социаль эш буенча белгече Марта Камалова социаль хезмәт күрсәтүдә торучы 12 балигъ булмаган бала арасында «Кызыклы фәннәр академиясе» дигән интерактив төркем дәресе үткәрде. Максаты: балаларны бөек рус галимнәре һәм аларның уйлап табулары белән таныштыру.
Дәрес балаларны бөек рус эшлеклеләре-уйлап табучылар белән таныштырудан башланды. Алар кызыклы уйлап табулар дөньясына чумдылар һәм танылган россия галимнәренең фән һәм техника үсешенә керткән өлеше турында белделәр. Практик чарада кызыклы, әмма куркынычсыз тәҗрибәләр үткәрелде. Алар арасында «Вулкан», «Кар бөртекләре», «Тылсымлы сыеклык» аеруча истә калырлык булды. Балалар судан ничек итеп кулны коры чыгарырга була, тоз суның тыгызлыгын ничек үзгәртә, шар шартламасын өчен аны ничек шартлатып була икәнен белделәр.
Барлык балалар да бик канәгать калдылар һәм күргән тәҗрибәләрнең күбесен өйдә әти-әниләре белән бергә кабатларга булдылар. Шулай ук белгеч балаларга бөек һәм танылган галим булу өчен күп укырга, хезмәт сөючән һәм сабыр булырга киңәш бирде.