«Мин нинди әти-әни?»
«Без бергә» клубы кысаларында 10 июнь көнне Түбән Каманың «Веста» гаиләгә һәм балаларга социаль ярдәм үзәге психологы Диләрә Корягина социаль хезмәт күрсәтүдә торучы гаиләләр арасында «Мин нинди әти-әни?» дип аталган төркемле дәрес үткәрде. Максат: ата-аналар компетентлыгы дәрәҗәсен күтәрү.
Дәрестә психолог ата-аналар арасында дустанә һәм уңай атмосфера булдыруга, ата-ана тарафыннан баланы тәрбияләү һәм кабул итү үзенчәлекләрен ачыклауга юнәлдерелгән күнегүләр һәм тренинглар үткәрде. Релаксацион күнегү әти-әниләрнең ару-талуын һәм эчке «кысылуларын» аңларга ярдәм итте.
Азакта катнашучылар: «Сез бүгенге дәрестән үзегезгә нинди файда алдыгыз? Бу сезнең өчен үтәлерлек идеме әллә авыр булып чыкты?» дигән сорауларга җавап бирделәр. Барлык катнашучылар да «Бала белән аралашу кагыйдәләре» дигән белешмәлек алдылар.