«Әниләр һәм балалар»
28 май көнне Түбән Кама «Веста» гаиләгә һәм балаларга социаль ярдәм үзәгенең социаль эш буенча белгече Эльза Сәмигуллина «Әниләр һәм балалар» дигән темага дәрес үткәрде. Дәреснең максаты: балаларның чәчәкләр турында башлангыч белемнәрен ныгыту һәм киңәйтү, төп төсләрне дөрес атарга һәм күрсәтергә өйрәтү.
Дәрес дәвамында балалар төп төсләрне аерырга өйрәнделәр. Балаларга тәкъдим ителгән уен биремнәре вак моториканы үстерүгә, бармак массажына, фикерләүне, сөйләмне үстерүгә, сүз запасын активлаштыруга ярдәм итте. Физминутка шулай ук дәреснең төп максатына ирешү өчен эшләде. Уен күнегүләре һәм биремнәр арасындагы салмак кына күчеш күнегүләргә бер булырга мөмкинлек бирде. Әниләр дә читтә калмадылар, ә сабыйлары белән бергә барлык тәкъдим ителгән күнегүләрне дә башкардылар.
Дәрес ахырында, гадәттәгечә, нәниләргә ирекле уен эшчәнлеге өчен вакыт бирелде. Балалар һәм аларның әниләре өйләренә бик канәгать булып, яхшы кәеф һәм яңа белемнәр белән таралыштылар.