«Үз-үзеңне кабул итү»
25 май көнне 10 нчы санлы социаль участокта Түбән Каманың «Веста» гаиләгә һәм балаларга социаль ярдәм күрсәтү үзәгенең социаль эш буенча белгече Гөлнара Гизатуллина «Үзгәрешләр җиле» клубы кысаларында закон белән каршылыклары булган 7 балигъ булмаган бала һәм риск төркеме балалары арасында «Үз-үзеңне кабул итү» дигән темага төркемле дәрес үткәрде. Максат: үз-үзеңә карата уңай мөнәсәбәт тәрбияләү һәм үзеңнең шәхсилегеңне аңлау.
Киеренкелекне бетерү өчен дәрес башында белгеч балалар белән танышу өчен уен үткәрде. Соңыннан катнашучылар «Өч җәнлек» күнегү-тестын үтәделәр, аның барышында үзләре яраткан өч җәнлекнең кәгазь битенә рәсемен сурәтләделәр. Күнегүләр катнашучыларга аларның кем булырга хыяллануларын, тирә-юньдәгеләр аларны ничек кабул итүләрен һәм алар чынлыкта кем булып торуларын ачыкларга ярдәм итте. Алынган нәтиҗәләр буенча, кешеләр үзләрен кабул итеп, үз-үзләренә карата гармонияле мөнәсәбәтләр урнаштырып кына калмыйлар, ә үз-үзләрен хөрмәт итүнең дә артуын сизәләр, үзгәрешләргә көчле мотивация дә табалар, дигән фикергә килделәр. Теге яки бу вакыйганы яки күренешне кабул итеп, кеше ниндидер мәгънәдә көчлерәк һәм бөтен игътибарны юнәлтә, ә кешеләрне гаепләп һәм каршылыкка бирешеп, үзен тыныч тормыштан мәхрүм итә.
Катнашучылар үз-үзеңне ничек бар, шулай һәм үз үзенчәлекләрең белән кабул итергә кирәклеген аңладылар.