«Үз иминлегеңнең хуҗасысы бул»
«Хокук бозуларны профилактикалауда балигъ булмаганнарның мәгълүмати куркынычсызлыгын булдыру» программасы кысаларында 19 нчы май көнне Түбән Каманың «Веста» гаиләгә һәм балаларга социаль ярдәм үзәге социаль эш буенча белгече Гөлнара Гыйззәтуллина 10 нчы санлы социаль участокта 15 балигъ булмаган бала арасында «Үз иминлегеңнең хуҗасысы бул» дигән төркемле профилактик чара уздырды. Максат: яшүсмерләрне браузер ярдәмендә интернетка куркынычсыз керү кагыйдәләренә һәм көйләүләргә өйрәтү, Интернетта эшләгәндә техник куркынычсызлыкның төп кагыйдәләрен өйрәнү.
Дәрес башында белгеч катнашучылар белән техник онлайн-компетентлык турында әңгәмә корды: бу нәрсә һәм ул нәрсә өчен кирәк. Укучылар компьютердан нәтиҗәле һәм куркынычсыз файдалану, төрле мәсьәләләрне хәл итү өчен тиешле программалар белән тәэмин итү һәм интернеттан файдалану, техник белемнәреңне һәм осталыкларын алга таба үстерү, аларны көндәлек тормышта гына түгел, ә белем бирү процессында да җаваплы һәм куркынычсыз куллану мөмкинлеге турында белделәр. Белгеч һәм балалар Интернетта эшләү мөмкин кадәр куркынычсыз булсын өчен, үзләренең шәхси җайланмаларын көйләп карадылар. Аннары һәр катнашучы браузер функцияләрен үтәү өчен карточка алды. 15 минут дәвамында һәр катнашучы Интернетта браузерның конкрет функциясе турында мәгълүмат табарга һәм аның ни өчен кирәклеген билгеләргә; аны нинди очракта кулланырга кирәклеген аңларга; бу браузер функциясен компьютерда көйләргә; өзеп куйганда нәрсә булырга мөмкин икәнлеген аңлатырга тиеш иде. Аннары күмәк рәвештә браузерның бу функциясеннән нинди очракларда файдаланырга кирәклеге турында фикер алыштылар.
Дәрес ахырында белгеч балаларга, әгәр алар чит яки гомуми компьютердан файдалансалар, эш тәмамланганнан соң, һичшиксез, үз аккаунтларыннан чыгарга кирәк, дип аңлатты.
Дәрес мавыктыргыч һәм җанлы үтте.