«Минем туган җирем – Чирмешән» рәсем конкурсы

2021 елның 17 мае, дүшәмбе

«Чирмешән муниципаль районында «Мәрхәмәтле йөрәк» комплекслы үзәге”нең гаилә белән эшләү буенча белгече Гүзәлия Сафиуллина менталь тайпылышлары булган балалар арасында “Минем туган җирем – Чирмешән” дигән темага рәсем конкурсы үткәрде.

Чараның максаты: балаларда Ватан, туган як, туган авыл турында күзаллау формалаштыру; туган як табигате белән таныштыру, график күнекмәләрне үстерү. Балалар бик тырыштылар, шуңа күрә һәр эш кызыклы, кабатланмас булды. Әлбәттә инде, барлык балалар да җиңүче булып чыктылар һәм бүләкләр алдылар.