“Үз-үзеңне тоту серләре”
Түбән Каманың “Веста” гаиләгә һәм балаларга социаль ярдәм үзәгенең социаль эш буенча белгече Ольга Луб 10 нчы санлы социаль участокта 10 бала арасында “Үз-үзеңне тоту серләре” дигән темага дәрес үткәрде. Максаты: ситуатив борчылуны профилактикалау.
Дәреснең кереш өлеше «Теләкләр» уен-активаторыннан торды. Һәр катнашучы бер-берсенең аркасына беркетелгән якәгазь яфракларда аның иң яхшы сыйфатларын язды. Уен аша балалар бер-берсе белән якыннанрак таныша, килеп туган фикерне белә, «үзеңне» башка күзләр белән ача алдылар. Төп өлешендә катнашучылар Казан шәһәренең 175-нче номерлы гимназиясендә булган фаҗигале вакыйгалар белән бәйле хис-кичерешләре, курку-борчулары белән уртаклаштылар. Белгеч балаларны гадәттән тыш хәлләр вакытында үз-үзеңне тоту кагыйдәләре белән таныштырды, ашыгыч хезмәтләрнең телефоннарын искә төшерде.
Дәреснең йомгаклау өлешендә балаларга «Үз-үзеңә ярдәм ит» дигән белешмәлек таратылды: анда ничек җинаять корбаны булмаска, нинди гади куркынычсызлык кагыйдәләрен үтәргә, шикле предметны ачыклаганда һәм тоткынга алган очракта үзеңне ничек тотарга кирәклеге язылган иде.
Дәрес танып-белү, эмоциональ һәм җанлы үтте. Балалар бик күп яңа, кирәкле, файдалы һәм актуаль мәгълүмат белделәр.