«Мин куркынычсызлыкта»
Түбән Каманың «Веста» гаиләгә һәм балаларга социаль ярдәм үзәге белгече Гөлназ Веселовская 9 нчы санлы социаль участогында «Мин куркынычсызлыкта» дигән темага профилактик дәрес үткәрде. Әлеге чарада 7 яшүсмер катнашты.
Дәрес «Юучы машина» дип аталган уен-активатор белән башланып китте, анда балалар, бер-берсенә каршы ике шеренгага басып, чиратлап, алар аша узучы һәр катнашучыны мактадылар. Шулай ук балалар сулыш алу күнегүләрен үтәделәр һәм «Киерелү» уенында катнаштылар. Аннан соң белгеч һәм балалар «Экстремаль шартларда үзеңне ничек сакларга» дигән темага әңгәмә кордылар һәм белешмәлек төзеделәр.
Дәрес ахырында балалар файдалы мәгълүмат өчен рәхмәт белдерделәр, ә белгеч аларга экстремаль шартларда үз-үзеңне дөрес тотарга кирәклеген тагын бер кат искә төшерде.