«Кенигсбергны алу»
Россия тарихының истәлекле даталары кысаларында Түбән Каманың «Веста» гаиләгә һәм балаларга социаль ярдәм күрсәтү үзәгенең социаль эш буенча белгече Марта Камалова 7 апрельдә 7 нче санлы социаль участокта 12 балигъ булмаган бала арасында «Кенигсбергны алу» дип исемләнгән төркемле дәрес үткәрде.
Бу дәрестә белгеч балаларны 1945 елның 29 апрелендә Кенигсберг крепосте рус гаскәрләренең аны азат итүе белән таныштырды. Документаль фильмны караганнан соң, дәрестә катнашучылар хәрби башлыкларның дөрес эшләнгән планы, рус солдатларының батырлыгы һәм ныклыгы аркасында ныгытманың алынуы турында белделәр. Аларның күбесе бүләкләнергә тәкъдим ителгән була.
Фильм караганнан соң балалар күргәннәреннән алган тәэсирләре белән уртаклаштылар: сугыш - кешелекнең иң зур афәте, чөнки анда бар кеше аңлы рәвештә ниндидер файда өчен башка кешене юк итәргә тырыша. Мондый әйбер булырга тиеш түгел. Барлык кешеләр белән дә тату яшәргә кирәк. Шулай ук балалар үзләренең илләрен фашистлардан азат иткән, башка илләргә дә ярдәм иткән хәрбиләр белән горурлануларын, таныдылар. Сугыш турында фильм яшүсмерләргә тормышта дөрес ориентирларны билгеләргә һәм рус солдатлары батырлыгының әһәмиятен аңларга ярдәм итте.