«Татар халкы мәдәнияте белән танышу»
Татарстан Республикасында Туган телләр һәм халык гореф-гадәтләре елы кысаларында Түбән Каманың «Веста» гаиләгә һәм балаларга социаль ярдәм үзәге белгечләре Анжела Хәйрова «Татар халкы мәдәнияте белән танышу» дигән темага төркемле дәрес уздырды. Максаты: татар халкының традицион мәдәниятенә карата кызыксыну һәм хөрмәт уяту, балаларны халык мәдәнияте элементлары - торак, төп көнкүреш әйберләре, милли кием – салым, милли аш-су, гореф-гадәтләр, бәйрәмнәр, халык иҗаты, әкиятләр, мәкальләр һәм әйтемнәр, балалар уеннары, җырлар, биюләр белән таныштыру.
Дәрес башында белгеч катнашучыларга 2021 ел - Татарстан Республикасында Туган телләр һәм Халык бердәмлеге елы дип игълан ителүен, бу күпмилләтле республиканың бердәмлеген ныгытырга, халыкларның мәдәниятен һәм традицияләрен үстерергә ярдәм итә дип искәртте. Аннан соң балалар татар халкының мәдәнияте белән таныштылар, милли киемнәр турында күп яңалыклар белделәр, татар орнаменты үзенчәлекләре белән таныштылар, татар ашлары, торак, гореф-гадәтләр, бәйрәмнәр, халык иҗаты белән таныштылар. Татар халык музыкасын зур кызыксыну белән тыңладылар, татар биюе белән видео карадылар, татар милли уеннарын уйнадылар.
Алган белемнәрне ныгыту өчен йомгаклау даирәсендә мини-викторина үткәрелде. Белгеч тагын бер кат балаларга үз телеңне һәм мәдәниятеңне сакларга, шулай ук башка халыклар белән дус һәм тату яшәргә кирәклеген искә төшерде. Балалар белгечкә кызыклы шөгыль һәм татар халкының мәдәнияте турында күбрәк белү мөмкинлеге биргән өчен рәхмәт сүзләре җиткерделәр.