«Без төрле халыкларның балалары, дуслык турында хыялланабыз»
Түбән Каманың «Веста» үзәге белгечләре «Альфа» мәдәният йорты хезмәткәрләре белән берлектә « Без төрле халыкларның балалары, дуслык турында хыялланабыз» дигән музыкаль-күңел ачу чарасы уздырдылар. Максаты: Татарстан Республикасында яшәүче халыклар турында күзаллауны формалаштыру, төрле милләт кешеләренә толерант мөнәсәбәт тәрбияләү.
Чара башында белгечләр катнашучыларга 2021 елның Татарстан Республикасында Туган телләр һәм Халыклар бердәмлеге елы дип игълан ителүен, халыкларның мәдәниятен һәм гореф-гадәтләрен үстерү, күпмилләтле республиканың бердәмлеген ныгытырга кирәклеген искә төшерде. Аннан соң балалар белән викторина үткәрелде, анда балалар туган як турында белемнәрен күрсәттеләр, сорауларга җиңел генә җавап бирделәр. Аннан соң «Көйне тап» дигән күңел ачу уенына күчтеләр, анда төрле халыкларның җырлары яңгырады. Чара төрле күңелле конкурслар һәм биюләр белән тәмамланды.
Барлык катнашучылар да бик күп уңай эмоцияләр алдылар һәм күтәренке кәеф белән таралыштылар. Белгечләр балаларга җирдә барлык кешеләргә дә тыныч һәм тату яшәргә кирәклеген тагын бер кат искә төшерделәр.