Тукай районының картлар һәм инвалидлар интернат-йортында Кәгазь салфеткалардан Аппликация.

02.03.2021 ел, сишәмбе. Кисеп ябыштыру -иҗатның иң кызыклы һәм үтемле төрләренең берсе . Ул картиналар, орнаментлар, композицияләр булдырырга мөмкинлек бирә. Биредә нинди дә булса чикләүләр юк. Бары тик теләк һәм  бераз фантазия кирәк.

Кәгазь салфеткалардан аппликация белән шөгыльләнү өлкәннәргә файдалы. Бу шөгыль  аларны тынычландыра, иҗади омтылыш бирә, баш миенең эшен активлаштыра. Интернат йортта  социаль хезмәт алучыларга кәгазь салфеткалар белән  эшләү бик ошый .Өлкәннәр бик теләп үзләренең композицияләрен һәм картиналарын иҗат итәләр. Аларның эшләре интернат-йортның стеналарын бизи.