“Әйдәгез танышыйк” дигән уен программасы

2021 елның 23 марты, сишәмбе

2021 елның  23 мартында   “Алабуга муниципаль районындагы мөмкинлекләре чикләнгән балалар һәм яшүсмерләр өчен “Астра” тернәкләндерү үзәгендә тәрбиячеләр “Әйдәгез танышыйк” дигән уен программасы уздырдылар.

Бу чара бер – берсе белән танышу һәм коллективны берләштерү   өчен уздырылды. Балалар белән төрле уеннар уйнадылар. Бигрәк тә “Түгәрәк”, “Танышу урыны”, “Чылбыр” уеннары балалар күңеленә хуш килде.  Шулай ук профилактик әңгәмәләр дә уздырдылар “Көн тәртибе”, “Җәмгыять урыннарында үз – үзеңне ничек тотарга”, “Сак бул Коронавирус”. Балаларның сәламәтлеге безнең өчен бик җаваплы бурыч.

Уен программасында 20 кеше катнашты.