«Яңарыш» тернәкләндерү үзәгендә танып-белү дәресе уздырылды.

2021 елның 19 марты, җомга

18 март көнне фән һәм технологияләр елы кысаларында Бөгелмәнең мөмкинлекләре чикле балалар һәм яшүсмерләр өчен «Яңарыш»  тернәкләндерү үзәгендә "Роботлар нәрсә белә"дип исемләнгән танып-белү дәресе узды.

Дәрес барышында балалар кешегә тормышның төрле өлкәләрендә - медицина, космос, производствода, күңел ачу максатларында ярдәм итә торган роботлар турында белделәр. Шулай ук балалар инженер-робототехника һөнәре белән таныштылар. Балалар бик теләп роботларны кайда күрүләре турында хис-кичерешләре белән уртаклаштылар.

Балаларның күзаллаулары шактый киңәйде, сүзлек запасы, шул исәптән махсус техник терминнар белән тулыланды.

Дәрес иҗади яктан тәмамланды-балалар роботлар ясадылар һәм үз эшләренең күргәзмәсен оештырдылар.