«Безне шартлатырга тиеш булган кыз»
«Мин иминлектә» социаль технологиясе кысаларында 2021 нче елның 17 нче марты көнне 4 нче санлы социаль участокта Түбән Каманың «Веста» үзәге белгече Ирина Кожевникова «Безне шартлатырга тиеш булган кыз» дигән төркемле дәрес уздырды. Чараның максаты: толерантлык формалаштыру һәм милләтара ызгыш һәм түземсезлек профилактикасы. Әлеге чарада 7 балигъ булмаган бала катнашты.
Дәрес бүгенге дөньяда һәр бала «терроризм» һәм «экстремизм» төшенчәләре артында ниләр яшеренүен белә икәнлеге турында әңгәмә белән башланып китте. Халык алдындагы урыннарда: поездларда, вокзалларда, рестораннарда, метрода шартлаулар; урлаулар, үтерү, талау; тоткынлыкка алу - бу хакта телевизордан, радиодан хәбәр ишетәбез һәм социаль челтәрләрдән беләбез. Белгеч ассызыклаганча, бу сәнгать фильмы түгел, ул күрше шәһәрдә, илдә барган реаль вакыйгалар. Һәм бу бик куркыныч. Белгеч дәрестә катнашучыларга: “Әмма безгә сезнең белән куркырга, борчылырга кирәкми, үз иминлегең турында кайгыртырга өйрәнергә һәм үзеңне мәгънәсез, акланмый торган куркынычларга дучар итмәскә кирәк", - дип мөрәҗәгать итте Дәрес «Каста» группасының – “Беслан. Төньяк Осетия” җырын тыңлау белән дәвам итте. Анда балалар өчен аңлаешлы формада (рэп) 2004 елның сентябрь башында Беслан шәһәренең 1 нче мәктәбендә булган вакыйгалар турында сөйләнелә. Ул вакытта яңа уку елы башлану бәйрәме фаҗигагә әверелә. Укучылар, аларның әти-әниләре һәм укытучылары берничә көнгә террорчылар тоткын итеп алалар. Балалар белгечне бик игътибар белән тыңладылар һәм видеоклип карадылар. Балаларның барысы да Бесландагы фаҗига турында белми булып чыкты, бигрәк тә терроризм турында уйланмыйлар икән. Видеороликта һәлак булучыларның фотосурәтләре куелган стендлар күрсәтелде, ә белгеч һәлак булучыларның саннарын яңгыраткач, балаларның бик нык гаҗәпләнүләре чагылды. Аннары белгеч балаларга Андрей Петровичның “Безне шартларга тиеш булган кыз” хикәясен укыды, балалар белән бергә укылган әсәр турында фикер алыштылар һәм «Террористик янау очрагында үз-үзеңне тоту кагыйдәләре» дигән белешмәлек төзеделәр. Анда балалар шундый пунктларны аердылар: игътибарлы булырга; шикле кешеләргә игътибар итәргә; өлкәннәргә хәбәр итәргә оялмаска; хуҗасыз сумкаларга, пакетларга, төргәкләргә кагылмаска, бернинди табылдык әйберләрне дә алмаска һ. б.
Дәрес балалар өчен файдалы узды, чөнки аларның күбесе кешелеккә терроризм һәм экстремизм кебек куркыныч янау турында уйланмаган да булганнар.