“Пульс” клубында “Май чабу” бәйрәмен коймак пешереп һәм күңел ачулар белән билгеләп үттеләр

2021 елның 12 марты, җомга

Зәй муниципаль районы “Радость” халыкка социаль хезмәт күрсәтү комплекслы үзәгендә эшләп килүче  “Пульс” клубының актив пенсионерлары күңелле бәйрәм оештырдылар.

Бәйрәмдә бер-берсен коймак белән сыйлап кына калмадылар, рецептлар белән дә уртаклаштылар. Үзләрен һәрвакыт яшь итеп тоючы  пенсионерлар әйлән-бәйлән уйнадылар, җырлар җырладылар, биеделәр. Шулай итеп, күңел ачу һәм шаярулар  белән кышны озаттылар һәм язны каршы алдылар.