«Хатын-кызны чәчәк образлары аша ачу»
Инвалид балаларның ата-аналары белән эшләү буенча «Без бергә» клубы эше кысаларында Түбән Каманың «Веста» үзәге психологы Диләрә Корягина 9 ата-ана арасында «Хатын-кызны чәчәк образлары аша ачу» дигән темага төркемле дәрес үткәрде. Дәреснең максаты: үз индивидуальлегеңне ачу; уңай эмоциональ кәеф булдыру.
Дәрес башында психолог катнашучылар белән танышу максатыннан:«Сез үзегезне нинди чәчәкләр белән ассоциациялисез?» дигән сорау бирде. Бу сәламләү төре катнашучылар арасында дустанә атмосфера булдыруга юнәлтелгән иде. «Хатын - кыз-чәчәк» әкиятен укыгач, психолог катнашучыларга «Матур бакча» дигән иҗади бирем тәкъдим итте, анда алар үзләрен һәм туганнарын бакчада чәчәк образында ясарга һәм «Комплимент» күнегүен башкарырга тиеш булдылар. Әлеге күнегүләр уңай эмоциональ кәеф булдыруга, эчке киеренкелекне бетерүгә юнәлдерелгән иделәр.
Очрашу ахырында психолог бүгенге дәрестә нәрсә ошады, ә нәрсә уйланырга мәҗбүр итте, дип кызыксынды. Күпләр «гаилә бакчасы» н ясау ошавын һәм ул теге яки бу гаилә әгъзасының нинди төс белән сурәтләнүен аңларга мәҗбүр итүен таныды, чөнки аларның һәрберсенең үз холкы һәм тышкы кыяфәте бар. Ару-талуны, эчке «киеренкелек» не бетерү һәм күңел гармониясен алу өчен катнашучыларга релаксацион күнегү үткәрелде.