Җәлил картлар һәм инвалидлар йортында "8 мартка Чәчәкләр» дәресе

2021 елның 5 марты, җомга

5 март көнне  Җәлил картлар йортының хезмәт буенча инструкторы Гильманшина Зөлфирә “8 мартка чәчәкләр” дигән темага дәрес үткәрде. Әлеге дәреснең максаты: төрле техникаларда чәчәкләрне башкару технологиясен үзләштерү. Бурычлар: уртак эшчәнлеккә кызыксыну, матурлык хисе формалаштыру. Төрле техникаларда чәчәкләр ясау дәресләрендә өлкән яшьтәге кешеләр һәм инвалидлар вак моторика белән шөгыльләнәләр: кул бармаклары тыңлаучан һәм сыгылмалы була, шулай ук интеллектуаль активлыкка ярдәм итә. Өлкәннәргә гофр кәгазьдән, мамыктан, пластилиннан, төсле кәгазьдән, атлас тасмалардан ясалган әзер композицияләр күрсәтелде. Аннан соң хезмәт буенча инструктор гофр кәгазьдән Розалар, мамык дисклардан каллаларны ничек эшләргә кирәклеген күрсәтте.

Алга таба социаль хезмәт алучылар мөстәкыйль эшчәнлеккә кереште. Соңыннан “8 мартка чәчәкләр” дигән күргәзмә оештырылды.

Иҗади активлык өлкәннәргә иң мөһиме – тормыш көче һәм яшәү теләге бүләк итә. Кызыклы шөгыль белән мавыгу өлкән яшьтәге кешеләргә вакытны файдалы итеп үткәрергә, начар хәл турында уйламаска, ә иң мөһиме – интеллектуаль һәм физик форманы лаеклы дәрәҗәдә сакларга ярдәм итә.

Актив социаль тормыш алып баручы һәм иҗат белән шөгыльләнүче пенсионерлар озаграк яшь һәм сәламәт булып кала. Аларның тормыш дәрәҗәсе сыйфат ягыннан күтәрелә.