«Бу кызыклы фән»
Россия Федерациясендә фән һәм технологияләр елы кысаларында 2021 нче елның 26 нчы феврале көнне Түбән Кама «Веста» Үзәгенең социаль эш буенча белгече Әлфия Байкова 15 нче санлы социаль участокта 10 балигъ булмаган бала өчен «Бу кызыклы фән» дигән чара үткәрде. Максат: Россия фәне турында күзаллауны формалаштыру, танып-белү эшчәнлеген үстерү.
Чара «Фән», «Технология», «Галим», «Ачыш», «Тәҗрибә» төшенчәләрен уйлау белән башланып китте. Балалар бу терминнарны ничек аңлавы белән уртаклаштылар, фәннең ни өчен кирәклеге турында фикер алыштылар. Аннары белгеч «Россия фәне» дигән видеофильм күрсәтте, анда Россия фәненең үсеш тарихы, Россия галимнәре һәм аларның ачышлары, хәзерге дөньяда фәннең мөһимлеге һәм актуальлеге турында сөйләнде. Балалар зур кызыксыну белән фильм карадылар, күргәннәре турында үз фикерләре белән уртаклаштылар.
Чара ахырында белгеч «Акыллылар йолдызлыгы» һәм «Күңелле биремнәр» мини-викториналарын үткәрде, аларда балалар үзләренең белемнәрен, командада эшли белүләрен һәм үз карашларын яклый белүләрен күрсәттеләр. Катнашучылар бик күп файдалы мәгълүмат алдылар, вакытны кызыклы итеп үткәрделәр һәм канәгать калдылар.