«Халыкара туган тел көне»
Түбән Каманың «Веста» үзәге социаль эш буенча белгече Анастасия Ильина Татарстан Республикасында Туган телләр һәм Халык бердәмлеге елына багышланган «Халыкара туган тел көне» дигән темага төркемле дәрес үткәрде. Чараның максаты: катнашучыларны Халыкара туган тел көне белән таныштыру, туган телгә сакчыл караш һәм хөрмәт тәрбияләү.
Дәрес башында белгеч балаларга 21 февральдә Халыкара туган тел көне билгеләп үтелүе, бу бәйрәмнең әле яшь булуы, тел һәм мәдәни төрлелеккә һәм күптеллелеккә ярдәм итү максатыннан ЮНЕСКО тарафыннан билгеләнүе турында сөйләде. Шуннан соң белгеч билгеләп үткәнчә, әлеге көн 1952 елның 21 февралендә, Даккада (хәзер - Бангладеш башкаласы) булган вакыйгаларны искә алу йөзеннән сайланган, ул вакытта полицейскийлар пуляларыннан туган телен «бенгали»ны яклауга чыккан студентлар һәлак булган, алар әлеге телне илнең дәүләт телләренең берсе дип тануны таләп иткән була. Ел саен туган тел көнен бәйрәм итү кысаларында төрле илләрдә билгеле бер темага багышланган һәм аны хөрмәт итүгә, шулай ук барлык телләрне яклауга юнәлдерелгән төрле чаралар үткәрелә. Кызганычка каршы, телләр юкка чыга, үзе белән тулы бер мәдәни һәм интеллектуаль мирас алып китә. Шуңа күрә дә туган телебезгә сакчыл карарга кирәк. Аннан соң балалар «Акыллылар һәм зирәкләр» уенын уйнадылар, анда туган тел турында мәкальләр һәм әйтемнәрнең мәгънәсе турында фикер алыштылар, әкиятләр әйттеләр, кроссвордлар чиштеләр.
Үткәрелгән дәрестән соң балаларга «Туган Тел - безнең байлыгыбыз» дигән темага рәсем ясау биреме бирелде.