Аларның исемнәре безнең йөрәкләрдә

2021 елның 16 феврале, сишәмбе

   Теләче муниципаль районы «Родник» халыкка социаль хезмәт күрсәтү буенча комплекслы үзәгенең гаиләгә һәм балаларга социаль ярдәм күрсәтү бүлеге хезмәткәрләре Гайнетдинова Ф.Т., Хөсәенова Л.З. “Ирекле Волонтер” оешмасы белән берлектә Әфганстаннан совет гаскәрләрен чыгару көненә багышланган "Аларның исемнәре безнең йөрәкләрдә" исемле акция үткәрделәр. Бу вакыйга турында искә төшерү, шулай ук Әфган сугышыннан кайтмаган 14 меңнән артык совет солдаты һәм офицеры истәлегенә куелган истәлекле дата. Традиция буенча бу көнне тантаналы чара үткәрелде. Тантанада катнашкан сугышчылар хатирәләре белән уртаклаштылар. Соңыннан  мемориал янында чәчәкләр салу тантанасы булды.