«Өй хайваннары»
2021 нче елның 2 нче феврале көнне «Әни+бәби» клубы эше кысаларында Түбән Каманың «Веста» үзәге социаль педагогы Эльза Сәмигуллина 5 бала һәм аларның ата-аналары арасында «Өй хайваннары» дигән темага дәрес үткәрде. Максаты: йорт хайваннары турында белемнәрне киңәйтү.
Балаларның күбесе җәнлекләрне ярата һәм дүрт аяклы дуслары булу турында хыяллана. Бу баланы игелекле, кайгыртучан һәм җаваплы булырга өйрәтү өчен яхшы сәбәп.
Бу дәрестә нәниләргә көтмәгәндә өй хайваннары килде. Алар сабыйларның әниләре белән бергә уйнадылар һәм биеделәр. Барлык уен биремнәре сөйләмне үстерүгә, сүзлек запасын киңәйтүгә, әйләнә-тирә чынбарлыкка карата тотрыклы кызыксыну формалаштыруга юнәлтелгән иде. Нәниләр өй хайваннарының тавышларын искә төшерделәр, әниләре белән бергә күңелле музыка астында кул эшләре ясадылар.
Узган дәрес сабыйларда да, аларның әниләрендә дә зур кызыксыну уятты. Дәрес бик җанлы һәм эмоциональ узды.