Арча РЦДПОВ “Өмет чаткысы” " "Әкият безгә кунакка килде" театральләштерелгән тамаша
Балаларны чын театрга алып бару мөмкинлеге булмаса, театр сезгә кунакка килә ала. 29 гыйнварда Арча «Өмет чаткысы» балалар һәм яшүсмерләр өчен тернәкләндерү үзәгендә тәрбияче Гүзәлия Гыйльфанова, музыка җитәкчесе Ләйсән Галиева, белгечләр Ләйлә Нуриәхмәтова һәм Гөлнара Салихҗанова җитәкчелегендә бер бүлмә курчак театры тамаша залына әйләнде. Балалар, түземсезлек белән, әкиятнең башлануын көттеләр. «Теремкәй» әкиятенең матур декорацияләрендә бер-бер артлы сәхнәгә балаларга таныш һәмалар яраткан персонажлар чыкты. Бу әкиятнең һәр герое үзенең музыкасы һәм биюе белән барлыкка килде. Бу безнең яшь тамашачыларны бик шатландырды һәм күңелләрен күтәрде. Әкият барышында балалар уйнадылар, җырладылар, биеделәр, әдәпле сүзләр әйттеләр. Рус халык әйтеме “Кысанлыкта булса да, үпкәсез булсын " әкиятнең әхлакый гыйбрәте булып тора. Ул балаларны коллективта тату яшәргә, бер-береңне кайгыртырга, ярдәм итәргә, бер-береңә игелекле булырга өйрәтә. Үзәк белгечләре сүзләренә караганда, мондый чаралар балаларга шатлык бүләк итә һәм якты эмоциональ кичерешләр уята.