«Бала хокуклары һәм РФ законнары»
Балигъ булмаганнарның караучысызлыгын һәм хокук бозуларын профилактикалау эше кысаларында Түбән Каманың «Веста» Үзәгенең социаль эш буенча белгече Ольга Плаксина 11 нче санлы социаль участогында «Бала хокуклары һәм РФ законнары» дигән темага дәрес үткәрде. Дәреснең максаты: ышанычлы атмосфера формалаштыру, бала хокуклары турында Конвенция белән танышу, балигъ булмаганнарның хокукый культурасын формалаштыру.
Социаль эш буенча белгеч дәресне катнашучыларга балаларның газапларын киметү өчен дөньяның күпчелек дәүләтләре балалар турында кайгырта икәне турында хәбәр итүдән башлады,. АКШның Нью-Йорк шәһәрендә Берләшкән Милләтләр оешмасының штаб-фатиры урнашкан. Бу халыкара оешма, ул булачак буынны сугыштан арындырырга омтыла. Бу оешмага 180 дәүләт, шул исәптән безнең ил дә керә. 1989 елда БМО тарафыннан җирдә барлык балаларның да бер үк хокуклары булуы турында сүз бара торган документ эшләнгән һәм кабул ителгән. Документ «Бала хокуклары турында Конвенция»дип атала. РФдә «Россия Федерациясендә бала хокукларының төп гарантияләре турында» 24.07.1998 елның № 124-ФЗ Федераль законы бар. Әлеге Федераль закон бала хокукларын һәм законлы мәнфәгатьләрен гамәлгә ашыру өчен хокукый, социаль-икътисадый шартлар булдыру максатында Россия Федерациясе Конституциясендә каралган баланың хокукларының һәм законлы мәнфәгатьләренең төп гарантияләрен билгели.
Аннан соң барысы да һәр балада булган хокуклар белән таныша башладылар, һәр хокукны чәчәк таҗына яздылар, шуның белән «Хокукый чәчәк» ясадылар. Башта балалар исемгә хокук белән таныштылар, аннары белем алу хокукы белән танышуга күчтеләр. Балаларга аларның ял итәргә, торакка, медицина каравына хокуклары булулары турында белү кызык булды. Һәр хокук уеннар, күнегүләр, әкиятләр, шигырьләр, мәкальләр, әйтемнәр белән ныгытылды.
Дәрес ахырында балалар үз хокуклары турында һәм алар ни өчен кирәк икәнен белергә тиеш дигән нәтиҗә ясадылар. Шул ук вакытта, алар башкаларның хокукларын бозмаска, законга буйсынучан гражданнар булырга тиеш икәнлекләрен аңладылар һәм «Бала хокуклары» дигән белешмәлек алдылар.