“Туган ягыңны ярат һәм аның турында бел!”
Түбән Кама шәһәренең 55 еллыгын һәм ТРда Туган тел һәм халык бердәмлеге елын бәйрәм итү кысаларында 2021 нче елның 23 нче гыйнварында Түбән Каманың «Веста» үзәге белгечләре «Альфа» мәдәният йорты хезмәткәрләре белән берлектә 15 балигъ булмаган бала һәм аларның ата-аналары өчен “Туган ягыңны ярат һәм аның турында бел!” дигән чара уздырдылар. Чараның максаты: балаларның Түбән Кама шәһәре турында белемнәрен киңәйтү һәм ныгыту, патриотик хисләр, туган якка мәхәббәт тәрбияләү, өлкән буынга, Түбән Кама шәһәренең беренче төзүчеләренә хөрмәт күрсәтү.
Чара башында Кама елгасында Түбән Кама шәһәренең барлыкка килү тарихы, аның беренче төзүчеләре турында документаль фильм күрсәтелде. Аннан соң белгечләр балалар белән «Яраткан шәһәрем Түбән Кама» дигән интеллектуаль викторина үткәрделәр. Балалар актив рәвештә сорауларга җавап бирделәр, бер-берсен тулыландырдылар, туган шәһәре һәм республикасы турында яхшы белемнәрен күрсәттеләр.
Чара ахырында әкият персонажлары “Леопард” һәм күңелле “Гном” күңел ачу уеннары һәм викториналар үткәрделәр, шулай ук балалар караоке җырладылар һәм флешмобта катнаштылар. Әти-әниләр һәм балалар бик теләп биеделәр, яраткан җырларын башкардылар. Чарада катнашучылар оештыручыларга уңай энергия һәм бергәләп мәдәни ял итү мөмкинлеге биргән өчен рәхмәт сүзләрен җиткерделәр.