«Якын кешеләр»
«Якын кешеләр» клубы эше кысаларында Түбән Каманың «Веста» үзәге психологы Наталья Емельянова «Якын кешеләр турында сөйләшик» дигән дәрес үткәрде. Максаты: гаиләләрдә психологик микроклиматны яхшырту.
Дәрес башында психолог катнашучыларга «Уңышлы йорт» уен-активаторын башкарырга тәкъдим итте (аларның бурычы чират буенча танышырга һәм катнашучыларга аларның бәхетле йортында һичшиксез булырга тиешле әйбер турында әйтергә тиеш иде. Аннары катнашучылар «Тамырлары белән агач», «Туганнар», «Йорт төзергә», «Гаилә» күнегүләрен үтәделәр. Әлеге биремнәр кешенең үзеннән – үзе генә түгел, гаилә системасында булуын, аңа социум гына түгел,бөтен гаилә системасы йогынты ясавын аңларга мөмкинлек бирде. Шулай ук дәрестә катнашучылар «Пәрәвез» трансформацион психологик уенын уйнадылар, бу исә үз гаилә әгъзалары белән еллар дәвамында эшләнгән үз-үзеңне тоту стереотипын аңларга һәм сынап карарга мөмкинлек бирә.
“Кызыклы-файдалы” йомгаклау даирәсендә “Гаилә” биременең катнашучыларга гаиләдәге мөнәсәбәтләр аларның көткәнчә генә бармавын, ә “Пәрәвез” күнегүенең якын кешеләр арасында үз урың, үз максатларың һәм теләкләрең турында җитди уйланырга мәҗбүр итүе ачыкланды.