Югары Утар акылга зәгыйфь булган балалар йорты-интернатының “Шәфкатьлек” бүлегендә “Без микробларга һәм вирусларга каршы!” дип исемләнгән сәламәтлек сәгате.

2021 нче елның 20 гыйнварендә Югары Утар акылга зәгыйфь булган балалар йорты-интернатының “Шәфкатьлек “ бүлегендә тәрбияче Гыйлемханова А. Р. тарафыннан “Без микробларга һәм вирусларга каршы!” дип исемләнгән сәламәтлек сәгате үткәрелде. Бала төчкерә һәм шул кулы белән битен сөртә, уенчыкларга, ишек тоткаларына тотына һәм ни өчен алай эшләргә ярамаганлыкны аңламый. “Минем кулларым чиста. Аларда пычрак юк", - дип уйлый ул. Нәкъ менә шуңа күрә, беренче чиратта, безнең тәндә, организмда һәм дә әйләнә - тирәбездә яши торган вируслар һәм бактерияләр турында гади сүзләр белән сөйләргә һәм алар нәрсә белән куркыныч булуын аңлатырга кирәк. Шөгыльнең максаты: 1. Балаларда сәламәтлеккә дөрес мөнәсәбәт тәрбияләү; сәламәтлек өчен нәрсә файдалы һәм нәрсә зарарлы икәнлеге турында күзаллауларны киңәйтү; 2. Балаларны тешләрне дөрес итеп чистартырга һәм сакларга өйрәтү. Балаларны йогышлы авырулар һәм аларны китереп чыгаручы авырулар (микроблар, вируслар) белән таныштыру; 3. Шәхси гигиена турындагы белемнәрне ныгыту. Балалар бик теләп тәрбияченең микроблар һәм вируслар турында кызыклы хикәясен тыңладылар, шөгыльдә актив катнаштылар. Куелган максатка ирешелде. Балалар бик канәгать калдылар.