Яңа Чишмә картлар йортында яңа ел бәйрәме
Яңа Чишмә өлкәннәр һәм инвалидлар өчен интернат-йортында быел Иске елны «яңа рус әбиләре» белән бергә үткәргәннәр. Интернат хезмәткәрләре кызыклы бәйрәм оештырдылар, җылылык, шатлык һәм ышаныч атмосферасы тудырырга тырыштылар. Яңа ел балында «Әкияттә кунакта», «Модный приговор», «Танцы на льду» һәм «Минута Славы» телетапшырулары сәхнәләштерелде. Уеннарда, конкурсларда әбиләр һәм бабайлар актив катнаштылар, ә шаян Яңа ел лотереясында барысы да үз отышларын алдылар. «Бүлмәнең иң матур Яңа ел бизәлеше», «иң чиста, уңайлы, пөхтә бүлмә», «интернат тормышында актив катнашкан өчен» конкурсларына йомгак ясалды. Соңыннан Кыш бабай белән Кар кызы һәм җитәкче З.Н. Лизунова белән бергә барысын да якынлашып килүче Яңа ел белән котладылар, нык сәламәтлек, шатлык һәм яхшы кәеф теләп Яңа ел бүләкләре тапшырдылар.