«Балаларга коррупция турында»
Балигъ булмаганнарның күзәтүчесезлеген һәм хокук бозуларын профилактикалау эше кысаларында Түбән Каманың «Веста» үзәге социаль эш буенча белгече Ольга Плаксина 11 нче санлы социаль участокта «Балаларга коррупция турында» дигән чара уздырды. Дәреснең максаты: балаларда коррупциягә каршы караш формалаштыру.
Дәрес мәгълүмати блоктан башланды. Белгеч балаларга коррупциянең нәрсә икәнлеге һәм аңа каршы нинди көрәш алып барылуы турында сөйләде. Балалар коррупция - ул җинаять эш һәм закон тарафыннан җәза ителә икәнен белделәр. Россия Федерациясе Җинаять кодексында ришвәт алган өчен дә, ришвәт биргән өчен дә 8 елга кадәр иректән мәхрүм итү каралган. БМО инициативасы белән 9 декабрьдә Халыкара коррупциягә каршы көрәш көне билгеләп үтелә. Алынган мәгълүматтан соң, дәрестә катнашучыларга «коррупция» сүзе белән бәйле мөмкин кадәр күбрәк сүз яки гыйбарәләрне искә төшерергә һәм яңгыратырга тәкъдим ителде. Аннары дәреснең дискуссия өлешенә күчтеләр. Балалар ришвәт алганда һәм биргәндә төрле ситуацияләрне җиңү турында сөйләштеләр һәм алга таба алар турында фикер алыштылар.
Дәрес ахырында белгеч балаларга гадел булырга, законнарны бозмаска һәм коррупция кебек «авыруга» каршы булырга кирәклеген искә төшерде. Өлкән кешеме син яисә кечкенәме, һәрвакыт гадел, тәртипле, намуслы булырга тырышырга кирәк.