Җәлил картлар һәм инвалидлар йортында «Ватан Геройлары көне» билгелэп үтелде
Россиядә Ватан Геройлары көне-илебездә ел саен 9 декабрьдә билгеләп үтелә торган истәлекле дата. Танылган полководецлар, князьләр, шулай ук гади кешеләр дә герой булдылар. Безнең илдә геройлар күп. Барысын да сөйләп булмый. Әмма без аларның батырлыкларын онытмыйбыз, беләбез һәм горурланабыз.
Җәлил картлар һәм инвалидлар йортында узган бүгенге чара нәкъ менә шушы көнгә багышланган иде. Культорганизатор Шәрәфетдинова И. Ф.бу бәйрәмнең тарихы турында сөйләде, интерната яшәүчеләр белән бергә, Россия геройларының исемнәрен искә төшерделәр. Аларның батырлыклары белән таныштылар. Без ата-бабаларыбызның батырларча батырлыкларын гына түгел, хәзерге вакытта яшәүче Советлар Союзы Геройларын, Изге Георгий һәм Дан ордены кавалерларын, Социалистик Хезмәт Геройларын, Россия Федерациясе геройларын да хөрмәтлибез. Әңгәмәдән соң интернат территориясендә урнашкан Җиңү Аллеясы монументына чәчәкләр салынды.Без илебез геройларын белергә, истә тотарга һәм хөрмәтләргә тиеш. Герой беркайчан да үлми халык хәтерендә яши.