Җәлил картлар һәм инвалидлар йортында дидактик уеннар
Өлкән яшьтә баш мие активлыгын сакларга кирэк.
17 нче ноябрь көнне Җәлил картлар йортында тәрбияче Гаязетдинова Резедә дидактик уеннар үткәрде.
Максаты: өлкән яшьтәге кешеләргә һәм инвалидларга танып-белү процессларын үстерү.
Тәрбияче тарафыннан дидактик уенны оештыру өч юнәлештә башкарыла: дидактик уен үткәрүгә әзерлек, аны үткәрү һәм анализлау. Уеннар вакытында интернат-йортта яшәүчеләр проблемалар, авырулар турында оныталар, уңай якка омтылалар.
Кәефне яхшырту-мондый вакыт үткәрүнең нәтиҗәсе. Даими шөгыльләнгәндә тирән процесслар да бара: хәтер торгызыла, акылның сыгылмалылыгы саклана, вакытны эчтәлекле итеп үткәрү гадәте формалаша. Өлкәннәр өчен интеллектуаль уеннар уйларга, исәп тотарга, искә алырга мәҗбүр итә торган нәрсәләр белән файдалы. Бу-баш мие өчен бик яхшы тренировка, аның функцияләрен торгыза һәм күңелсез чирләргә – деменциягә яки Альцгеймер авыруларына бирешергә мөмкинлек бирми.