“Гаиләдәге конфликтлар”
“Рәхим итегез! Бәхетле гаилә” клубы эше кысаларында Веста үзәге психологы Наталья Емельянова “Гаиләдәге конфликтлар” дигән темага дәрес үткәрде.
Чара башында психолог мәгълүмати бишминутлык үткәрде, анда катнашучыларга гаиләдә һәрберсенең ызгышларга китерүче тыюлар һәм җәзалар системасы бар дип аңлатты. Шуннан соң психолог һәр катнашучыга кәгазь битләре таратты, анда гаиләдә очраучы 9 төрле конфликтлы ситуация язылган иде(баланың тышкы кыяфәте, шулай ук яшьтәшләре белән үзара мөнәсәбәтләре белән бәйле). Катнашучыларга бәхәснең барлык яклары өчен иң кулай юл табарга һәм аны язарга кирәк булды.
Аннары психолог «тере бүләк»дигән нәтиҗәле диагностика үткәрде. Ул катнашучыларга төсле карандашлар белән А4 форматындагы битләр һәм хайваннар, бөҗәкләр, кошлар рәсемнәре төшерелгән карточкалар таратты. Диагностика нәтиҗәсендә күп кенә катнашучыларның характерындагы теге яки бу сыйфатларны үз эченә алмавы һәм килеп чыккан эмоцияләргә каршы кискен низагны хәл итә алмавы ачыкланды. Гаилә әгъзалары белән үзара бәйләнешнең конструктив ысулларын язмага алу өчен психолог «гаиләдә конфликтлар» фильмын карарга тәкъдим итте.
“Кызыклы-файдалы” йомгаклау даирәсендә катнашучылар «тере бүләк» күнегүенең аларга барыннан да бигрәк ошавын белдерделәр. Ул аларга бүгенге көнгә кадәр якын кешеләр белән гармонияле мөнәсәбәтләр корырга комачаулаган характердагы үзгәрешләрне күрергә, үз-үзләрендә кабул итәргә һәм үзгәртергә ярдәм итте.
Ахырда психолог барысына да нәтиҗәле эшләре өчен рәхмәт белдерде һәм әлеге чарада алынган мәгълүмат гаиләдә уңай атмосфера булдырырга ярдәм итәр, дигән ышаныч белдерде.