«Аеклык – тормыш нормасы»
Балигъ булмаганнар арасында алкоголизмны кисәтү буенча эш кысаларында Түбән Каманың «Веста» үзәге социаль эш буенча белгече Марина Вахрушева 10 нчы социаль участокта 10 бала һәм яшүсмер арасында «Аеклык – тормыш нормасы» дигән чара уздырганнар. Максат: алкогольне куллануның тотрыклы күнекмәләрен формалаштыру, начар гадәтләргә актив каршы тора белү, сәламәт яшәү рәвешен популярлаштыру.
Чара башында белгеч балаларга Бөтендөнья аеклык көне барлыкка килү тарихы турында сөйләде. Революциягә кадәр Россиядә аеклык көнендә теләсә нинди хәмер сату тыелган, шәраб кибетләре эшләмәгән. 1914 елдан башлап бу көнне ел саен билгләп үтү турында карар кабул ителә. Белгеч шулай ук эчкечелек - авыр хроник авыру, дип билгеләп үтте. Кеше озак һәм даими рәвештә алкоголь эчемлекләрен кабул итсә, ул үсә. Агуга күнегү акрынлап бара. Илдә эчкечелектән ел саен Россиянең 40 мең гражданы үлә-бу Әфган сугышы вакытында безнең югалтуларыбыздан 3 тапкыр күбрәк. Күпчелек кешеләр алкоголь эчемлекләрен башка кешеләр йогынтысы астында куллана башлыйлар. Кешеләрнең шушы йомшак ягы белән уйныйлар да инде, бу яшел агуны таратучылар. Аннан соң балаларга парларга аерылырга һәм биремне үтәргә тәкъдим ителде. Яшүсмерләрнең берсе икенчесенә спиртлы эчемлекләрне татып карарга тәкъдим итте. Икенчесенең бурычы-әлге тәкъдимнән баш тарту иде. Әлеге уен балаларны читтән килгән теләсә нинди тәкъдимнән баш тартырга өйрәтте. Алга таба әңгәмә барышында белгеч һәм балалар һәр ситуацияне карадылар: дөрес эшләнгәнме, юкмы, нәрсәне катгый эшләргә кирәк һәм кирәк түгеллеге турында сөйләштеләр.
Чара ахырында белгеч балаларга «Аеклык-тормыш нормасы» дигән буклетлар таратты һәм кешеләрнең һәрвакыт проблемалары бар, ләкин алкоголь аларны хәл итми, ә бәлки яңаларын барлыкка китерә, дип аңлатты. Авырлыкларны алкоголь түгел, ә кешеләр үзләре хәл итә. Шуңа күрә һәрвакыт сәламәт яшәү рәвеше алып барырга кирәк.